Нејмар се најде меѓу 26-те фудбалери на кои Бразил ќе смета за настап на Светското првенство во САД, Канада и Мексико, кое почнува на 11 јуни. Одлуката на селекторот Карло Анчелоти предизвика големо воодушевување кај бразилските навивачи, но истовремено отвори и бројни реакции поради еден фудбалер кој не се најде на списокот.

На конечниот список го немаше Жоао Педро, напаѓачот на Челси, кој зад себе има одлична сезона и покрај слабите резултати на клубот.

Бразилскиот офанзивец сезонава постигна 20 голови и забележа шест асистенции во Премиер лигата, но ниту таквиот учинок не беше доволен да обезбеди место во составот за Мундијалот.

Само тројца фудбалери сезонава постигнале повеќе голови во англиското првенство, а доколку се тргнат погодоците од пенал, пред Жоао Педро останува само Ерлинг Халанд.

По објавувањето на списокот, Анчелоти призна дека одлуката не била воопшто лесна.

„Жал ни е за Жоао Педро. Со сезоната што ја имаше во Европа, веројатно заслужи повик, но се одлучивме за други играчи“, изјави искусниот италијански стратег.

ФОТО | Aнчелоти го објави списокот на Бразил и го израдува Нејмар