Фудбалерите на Шкендија претрпеа пораз од АЕК Ларнака со 1-0 на Кипар, но по овој дуел тетовци нема да жалат затоа што и на овој начин се пласираа во плеј-офот за осминафиналето.

АЕК од првата минута беше подобар тим на теренот и имаше иницијатива, а одбраната на Шкендија попушти во 43-тата минута кога Ивановиќ погоди. Сепак, тој гол беше поништен поради офсајд и избраниците на Беќири на пауза заминаа со почетниот резултат.

Проблемите за шампионот од ПМФЛ се зголемија во 53-тата минута кога Љатифи заработи директен црвен картон.

И во таква ситуација тетовскиот клуб долго одолеваше на напаадите на домаќините. Меѓутоа Ангиелски во 83-тата минута го постигна единствениот погодок на натпреварот.

Со овој пораз Шкендија, лигашкиот дел од Конференциската лига го заврши со седум бода на 23-тата позиција и се пласираа во плеј-офот кој ќе се игра на пролет.

Преземено од: Спорт.ком.мк