Шкендија со голот на Роналдо Вебстер триумфираше над Лиепаја
Во новиот контролен натпревар како подготовка за вториот дел од сезоната фудбалерите на Шкендија славеа со 1:0 против Лиепаја од Летонија.
По првото полувреме немаше голови, а единствениот погодок беше реализиран во 65 минута кога радост на тетовските „црвено-црни“ им донесе Роналдо Вебстер.
Стартниот состав на Шкендија: Амзаи, Коцев, Мелиќи, Цаке, Велија, Ќака, Тотре, Красниќи, Чинари, Шала, Аганспахиќ.
Играа уште: Адили, Реџепи, Крстевски, Адеми, Вебстер, Дита, Рамани, Нухија, Јакупи, Курти, Рамадани.
Ова беше трет пријателски меч за играчите на Јетон Беќири на подготовките во Анталија, Турција. Претходно славеа против Варта Познањ од Полска (1:0) и Динамо Батуми од Грузија (2:0).