Шкендија го ангажираше првото зимско засилување (ФОТО)
Денеска македонскиот фудбалски шампион официјално го промовираше своето првото зимско засилување. Станува збор за 24-годишниот Ардин Далку кој игра во одбранбениот дел, а за Шкендија ќе има право да игра од јануари 2020 година.
Има досега два натпревари за најдобрата фудбалска репрезентација на Косово, а на клупски план до 2016 година досега ги бранеше боите на украинската екипа Ворскла Полтава (60 мечеви, два погодоци).
– Среќен сум што во иднина ќе го носам дресот на Шкендија. Долг период бев дел од украинскиот шампионат и многу сум мотивиран за ова ново искуство. Знам дека овој клуб има големи амбиции и ветувам дека ќе го дадам најдоброто од себе за да бидат постигнат клупските цели – се зборовите на косовскиот репрезентативец Далку за официјалниот веб сајт на ФК Шкендија.
Одлуката да не продолжи со Ворскла, значи и поблиску до косовската репрезентација и евентуален повик па и за можниот дуел против Македонија во плеј-офот на Лигата на нации за пласман на ЕП 2020 година.
Далку веќе тренира со тетовските „црвено-црни“, веќе и настапи за клубот во еден пријателски натпревар, поточно во второто полувреме во победата над Дрита Ѓилани на 29 септември и каде запиша еден гол.
Тој ќе продолжи да тренира со екипата, со цел да се аклиматизира во составот предводен од тренерот Ернест Ѓока и максимално биде подготвен за пролетниот дел од сезоната.
