Во тимот на Веспрем, кој е противник на Вардар во осминафиналето во Лигата на шампионите, неколку ракометари го имаат носено дресот на „црвено-црните“, а еден од тие со најголем стаж е руското крило, Данил Шишкарев.
Шишкарев беше дел од Вардар во освојувањето на двете европски титули.
– Игравме против Вардар во финалето на СЕХА лигата во септември минатата година, но повторно ова ќе биде посебен натпревар а мене. Поминав шест прекрасни години во Скопје. Ќе биде навистина тешко да играме во Јане Сандански, но ако се подготвиме добро се надевам дека ќе стигнеме до победа. За мене како што споменав ќе биде навистина посебно, бидејќи повторно ќе се сретнам со моите пријатели – вели Шишкарев.