Никако да тргне победнички украинскиот стратег Андриј Шевченко кој пред два месеци седна на клупата на Џенова со цел да помогне во битката за опстанок во Серија А, но резултатите и натаму не се најдобри.

Синоќешниот пораз од Специја на домашен терен може да биде најава за заминување на Шевченко од Џенова, пренесуваат италијанските медиуми.

Клубот во чии редови настапува и македонскиот напаѓач Горан Пандев наскоро може да добие нов тренер, а се шпекулираат две имиња, Роландо Маран и Давиде Балардини.

И претседателот на Џенова, Алберто Ѕангрило е загрижен поради резултатската криза и заканата дека можно е на крајот од сезоната да се пресели екипата во понизок ранг.

– Сите сме подготвени за дискусија, јас сум првиот. Мора да се анализира, овие тешки моменти ги засега сите, како и тренерот и играчите. Сега мора да бидеме активни на пазарот за да ја поправиме сликата која всушност станува тешка – вели Ѕангрило за „Скај Спорт“.