Шест земји мамеле во финалето, им ги укинале бодовите па организаторите сами направиле пресметка?!
Шест земји биле дисфалификувани кога станува збор за гласањето на стручното жири, а како што велат од Европската радиодифузна унија, тие сами им ги пресметале бодовите врз основа на резултатите од другите земји со слични гласови. Црна Гора е меѓу земјите чие жири беше дисквалификувано.
ЕБУ ги анализираше гласовите на жирито по втората генерална проба на втората полуфинална вечер на Изборот за песна на Евровизија 2022 година и утврди одредени неправилности во гласањето на шест земји, објави Европската радиодифузна унија, пишува wiwibloggs.com.
Како што е соопштено, со цел да се усогласат со „Упатството за гласање“, ЕБУ соработувала со партнер за гласање со цел да пресмета заменски резултат за секоја земја околу која имале сомнежи и за второто полуфинале и за големото финале. Сè, како велат тие, било пресметано врз основа на резултатите на други земји со слични записници за гласање.
Evo umirem, crnogorski i rumunjski žiri varali pa ih zamijenili statističkim modelima jučer u finalu pic.twitter.com/x8hgwpzytj
— GLZR (@glazeface) May 15, 2022
Во саботата вечерта, околу 20 часот, непосредно пред почетокот на гласањето, ЕБУ издаде соопштение во кое сугерираше дека „зад сцената“ се случувала драма.
„Овој процес е потврден од Независниот мониторинг на гласање“, велат оттаму.
Земјите кои беа исклучени од гласањето се Азербејџан, Грузија, Црна Гора, Полска, Романија и Сан Марино.
Да потсетиме, Украина победи на 66. избор за песна на Евровизија, со вкупно 631 поен. На второто место е Велика Британија, а на третото Шпанија. Српскиот претставник Констракта го зазеде петтото место.