Шакира во врска со 15 години помладиот британски актер! Сите тврдат дека е со неа само за слава
Поп-ѕвездата Шакира веќе извесно време се забавува со актерот Лусиен Лависконт, а како пишуваат светските медиуми пејачката се заљубила во него додека го снимала новиот спот.
Извор близок до пејачката потврди за „Дејли мејл“ дека тие се забавуваат, но дека сè уште не се во „сериозна врска“. Ѕвездата на „Емили во Париз“ велат дека ја освоил Шакира откако имале блиски моменти во спотот за нејзината песна „Punteria“.
Но, нејзината нова романса предизвика загриженост кај нејзините пријатели, кои стравуваат дека актерот е со неа само за слава.
„Шакира очајно сака да се заљуби, но нејзините пријатели се загрижени бидејќи Лусиен претходно бил во врски со жени кои не се толку познати. Сега се гледа со Шакира која само сака љубов. Пријателите се загрижени дека тој сака само да биде со неа за да знаат луѓето за него, за да му се препознае името. Се гледаат, но сè уште не е ништо сериозно“ – изјавил изворот за „Дејли мејл“.
Изворот тврди дека пејачката сè уште „не го преболела нејзиниот поранешен“ Жерар Пике и дека сите околу неа „знаат дека Лусиен е само утеха“.
„Таа излегува со некој за кој пријателите се плашат дека е ‘играч’ и дека ќе се ‘изгори’“, додал изворот.
Инаку, во средината на 2022 година, Шакира и Пике официјално ја прекинаа долгогодишната врска во која добија два сина, Милан (11) и Саша (9). Шакира е точно 10 години постара од пензионираниот фудбалер. Набргу по нивното раскинување, поранешниот фудбалер почна романса со Клара Чиа Марти.
Од друга страна, Лусиен, најпознат по серијата „Емили во Париз“, во минатото се забавуваше со помалку познати пејачки како Кери Катона од групата „Атомик Китен“ и Џеси Нелсон од бендот „Литл микс“ .