Челниците на Барселона одлучија да бидат активни во зимскиот преоден рок и да ангажираат замена за повредениот Луис Суарез за кого заврши сезоната.

Според пишувањето на „Мундо Депортиво“, новиот тренер на Барселона, Кике Сетиен ќе може да бира помеѓу тројца фудбалери, поранешниот член на Барселона Педро, Кшиштоф Пјонтек и Дани Олмо.

Дани Олмо најави дека најдоцна до лето ќе си замина од Динамо Загреб кој за неговите услуги бара 25 милиони евра. Оваа сума според челниците на Барселона е превисока за млад фудбалер на кого на лето му истекува договор и подготвени се да понудат највеќе 15 милиони евра.

Педро кој е дете на Барселона, има договор со Челси до крајот на сезоната, а англискиот тим не е расположен да му понуди нов договор и весникот пишува дека тој би прифатил да се врати на „Камп Ноу“.

Третата опција за Сетиен е Пјонтек кој по доаѓањето на Златан Ибрахимовиќ во Милан, падна во втор план и побара од управата да го стави на трансфер листата.