Фудбалерите на Жирона обезбедија опстанок во најсилното шпанско првенство во текот на минатото коло, а Атлетико Мадрид следната сезона ќе игра во Лигата на шампионите.

Во последното коло Атлетико со победа ја заврши сезоната со 4:0 против Жирона во чиј состав не беше македонскиот репрезентативец Бојан Миовски поради повреда на стапалото.

Александер Серлот постигна три голови, а еден погодок беше дело на Клемен Ленгле.

Серлот со вкупно 20 голови беше најдобар стрелец на „јорганџиите“ во Ла Лига.

Атлетико во конечниот пласман го освои третото место со 76 бодови, додека Жирона моментно е на 16 позиција со 41 бод, колку што има и Севиља која својот меч од оваа рунда ќе го има денеска против Виљареал на гости.