Сензација во Белград, Ѓоковиќ елиминиран
Првиот тенисер на АТП ранг листата, Новак Ѓоковиќ, е поразен на турнирот кој се игра во Белград „Србија Опен“. Подобар од Ѓоковиќ во полуфиналната пресметка беше рускиот тенисер Аслан Карацев кој славеше во три сета 7:5, 4:6, 6:4.
Ѓоковиќ одлично го започна дуелот, направи брејк и поведе со 3:0, но Карацев возврати со иста мерка и дојде до израмнување, но Русинот продолжи со исто темпо кое донесе нова размена на брејкови за 5:5. Во завршницата од првиот сет, Карацев повторно направи брејк за триумф од 7:5.
Вториот сет донесе сличен развој на настаните, Ѓоковиќ поведе до 2:0, но Карацев возврати со дури четири гемови во серија. Потоа следеше серија од четири гема во низа за Ѓоковиќ со кои дојде до израмнување во сетови.
Во одлучувачкиот трет сет се водеше голема борба, се редеа неискоресни брејк топки, а тенисерите ги освојуваа гемовите на свој сервис. Така беше се до седмиот гем во кој Карацев успеа да направи брејк и потоа со сигурен сервис да ја зачува предноста за конечен триумф и пласман во финалето.