Сензација на „Австралија опен“: МекДоналд го елиминираше Надал
Многу рано уште во второто коло Рафаел Надал го заврши учеството на грен слем турнирот во Мелбурн, откако со 6:4, 6:4 и 7:5 загуби од Американецот Мекензи МекДоналд.
Иако Мекдоналд го играше тенисот во кариерата во првите два сета, факт е дека повредата се одрази на играта на Шпанецот и поразот беше неизбежен за бранителот на титулата.
Непосредно пред повредата Надал губеше со 1:0 во сетот и 5:3 во вториот, а на крајот побара и медицински тајм-аут поради проблем со колкот. По 10 минути се врати на теренот, но не беше истиот Рафа кој не се сеќава кога на стартот на еден грен слем имаше два сета негатива.
Ова е секако шанса за Новак Ѓоковиќ да се израмни по бројот на грен слем титули (22) на вечната листа.
Во следната фаза МекДоналд ќе игра против победникот од мечот Далибор Сврчина (Чешка) – Јошихито Нишиока (Јапонија).
Во женска конкуренција рано настапот го заврши и победничката на УС Опен од 2021, Ема Радукану од Велика Британија која загуби од Американката Коко Гоф со 6:3 и 7:6 (4).