Русија ноќеска изврши напад со беспилотни летала врз украинскиот град Прилуки, во регионот Чернихив, а украинскиот претседател Володимир Зеленски откри семејна трагедија откако едно од беспилотните летала го збриша семејството на локалниот шеф на противпожарната служба.

Зеленски објави дека меѓу петте загинати се сопругата, ќерката и едногодишниот внук на пожарникарот, кој бил вклучен во операцијата за лоцирање на жртвите меѓу урнатините од рускиот напад.

Last night, Russia struck Pryluky in the Chernihiv region with six attack drones. A rescue operation continued throughout the night. Unfortunately, there have been injuries and fatalities. One of the rescuers arrived to deal with the aftermath right at his own home — it turned… pic.twitter.com/5B0WhRwenr

— Volodymyr Zelenskyy / Володимир Зеленський (@ZelenskyyUa) June 5, 2025

Според украинскиот претседател, ова дете е 632-то дете кое го загубило животот од почетокот на војната во Украина.

„Русија постојано се обидува да добие време за да продолжи со убиствата. Кога не чувствува доволно силна осуда и притисок од светот, повторно убива“, напиша Зеленски во својот пост на Икс, според кој во текот на ноќта, Украина била нападната од 103 беспилотни летала и една балистичка ракета, насочени кон регионите Донецк, Харков, Одеса, Суми, Чернигов, Днепар и Херсон.

„Ова е уште една причина да се воведат максимални санкции и да се изврши заеднички притисок. Очекуваме акција од САД, Европа и од сите што навистина можат да помогнат во промената на овие ужасни услови. Силата е важна, а војната може да заврши само со сила. Москва мора да биде под притисок со сите расположиви средства и постепено да се лиши од својата способност да продолжи со оваа агресивна тактика“, заклучи украинскиот претседател во својот пост.