Селекторот на Србија го отпиша капитенот Теодосиќ за кошаркарското ЕП
Селекторот на кошаркарската репрезентација на Србија, Светислав Пешиќ одлучи да го отпише капитенот Милош Теодосиќ за претстојното Европско првенство кое започнува на 1 септември.
Ова е за прв пат од 2007 година Теодосиќ да биде прекуброен во репрезентацијата, а причина за тоа да не бидат повредите.
Теодосиќ кој настапува за екипата на Виртус Болоња, со репрезентацијата на Србија го освои сребрениот медал на ЕП 2009 година во Полска, сребрениот медал на СП 2014 како и сребрениот медал на Олимписките игри во Рио де Жанеиро 2016 година.
View this post on Instagram
Покрај Теодосиќ, од поширокиот список на селекторот Пешиќ отпадна и кошаркарот на Партизан, Ален Смаилагиќ.
Србија на Европското првенство ќе игра во групата Д заедно со селекциите на Чешка, Полска, Финска, Израел и Холандија.