Екипата на Е. Пелистер не успеа да направи подвиг. Во првото историско учество на Ф4-турнирите во СЕХА Газпром лигата, „зелените“ од Битола доживеаја висок пораз од унгарски Веспрем (41:27). На трибините во Задар Е. Пелистер имаше поддршка од една група на навивачи, дел од верните „Чкембари“.

Македонскиот вицешампион беше рамноправен во првите пет-шест минути од средбата, неколку пати имаше и имаше водство, а потоа при нерешени 5:5 противникот започна да игра на искуство, со цврста одбрана и низа брзи погодоци во нападот за серија од 6:2. При негатива од 13:9, актуелниот шампион направи нова серија од 6:2 за 19:11 на семафорот после 20 минути игра, по што веќе се најавуваше и вториот финалист.

На паузата Веспрем водеше со 24:16, а во вториот дел стигна и до двоцифрена разлика од 29:18. Константно растеше позитивата, а најголемата изнесуваше „плус 16“ (40:24) во 55 минута.

Играчите на тренерот Ларс Валтер ќе мора да се задоволат со меч за третото место во регионалното натпреварување. Ривал на пелистерци в недела (4 септември) од 16.30 часот во битката за бронза во малото финале ќе биде хрватски Нексе, додека Веспрем за СЕХА-титулата ќе игра со ППД Загреб од 19.00 часот.

Повторно во Задар истите екипи како и минатата година ќе се сретна во големото финале. Лани Унгарците беа подобри по пенал серијата со 4:2. Унгарскиот гигант ќе атакува на својата петта титула во регионалното натпреварување, во обид да се израмни по бројот на титули со Вардар.