Александар Жадан е 23-годишен ИТ експерт од Русија, кој немал среќа во љубовта, па решил да ѝ препушти на вештачката интелигенција да ја најде вистинската девојка за него.

Имено, Жадан открил дека, со помош на Чет Џи-пи-ти филтрирал и анализирал дури 5.239 профили на девојки на различни сајтови за запознавање, а вештачката интелигенција потоа ги анализирала податоците и ја избрала најдобрата партнерка за него.

Во виралната приказна што ја објави на Икс (поранешен Твитер), тој објасни дека бил разочаран од неговото искуство на платформите за запознавање, како што е Тиндер. Имено, секогаш кога ќе започнел разговор со некоја интересна девојка, таа ја прекинувала комуникацијата.

Можно было сделать стартап, но переключился на более перспективный проект (работаю с нейросетями). К тому же, мой пайплайн подустарел с учётом нововведений как Vision в ChatGPT, доработки Langсhain (использовал в основе поиска девушек). В общем, могло бы все на этом закончится pic.twitter.com/OaObmjklJ3

— Aleksandr Zhadan (@biblikz) January 30, 2024

Тој заклучил дека таквиот пристап е само „губење време“ и му наредил на Чет Џи-пи-ти да ги прегледа профилите користејќи различни филтри што тој ги специфицирал, како што се астролошки и религиозни референци и „фотографии кои премногу откриваат“.

Но, потоа отишол чекор напред и му наредил на Чет Џи-пи-ти да комуницира со избраните кандидатки и му требале 120 часа да ја „истренира“ вештачката интелигенција да разговара со потенцијалните девојки. Тој го направил ова со тоа што ги вчитал неговите претходни разговори со девојки, поставил валидација на одговорите и ги следел резултатите.

Однажды ChatGPT V3 засаммарил чат с Кариной, на основе чего рекомендовал на ней жениться. Думал, что V3 галлюцинирует (я никогда не указывал цель жениться), но потом понял ход его мысли — Карина говорила, что хочет погулять на чьей-то свадьбе и ChatGPT подумал, что лучше на своей pic.twitter.com/0u3Yev2zl7

— Aleksandr Zhadan (@biblikz) January 30, 2024

Чет Џи-пи-ти му помогнал да отиде на 12 состаноци, а на еден од нив ја запознал Карина, неговата идна сопруга.

Вештачката интелигенција го советувала да зборува за своето детство, родителите, целите и вредностите за да процени колку девојките се „погодни за долготрајна врска“.

„Одев на состаноците, па проценував дали девојката ми одговара или не. Врз основа на искуството, правев рецензија (што ми се допаѓа, а што не) и ја додавав во базата“, објасни тој, велејќи дека подоцна ѝ признал на девојката дека ја нашол користејќи Чет Џи-пи-ти, но дека тоа не ѝ пречело и дека сѐ уште се заедно.

Колотило от ситуации.

Супер боялся, что может пойти что-то не так. Шёл почти точно по плану №3 и все подошло к моменту. Предлагаю жениться.

Она сказала да pic.twitter.com/0ppX6tJpSS

— Aleksandr Zhadan (@biblikz) January 30, 2024