Репрезентацијата на Македонија денеска ги доби противниците во Лигата на Нации каде што ждрепката сакаше да се соочиме со репрезентациите на: Шкотска, Словенија и Швајцарија.

Селекторот Гоце Седлоски веднаш по натпреварот порача дека иако групата е тешка, Македонија не влегува како аутсајдер и целта ќе биде да сме конкурентни против секого без разлика каде ќе играме.

“Шкотска и Швајцарија се главните фаворити во групата. Станува збор за две селекции со континуитет на настапи на големи натпреварувања, учесници и на претстојното Светско првенство. Имаат квалитет и искуство на највисоко ниво. Тоа доволно зборува за предизвикот што нè очекува. Но, ние не влегуваме во овој циклус со улога на аутсајдер. Нашата цел е да бидеме конкурентни на секој натпревар, без разлика дали играме дома или на гости. Ќе се трудиме да го наметнеме нашиот стил на игра, дисциплиниран, организиран и храбар. Да покажеме дека Македонија со право е дел од Лига Б. Имаме генерација која веќе е зрела, имаме јасна идеја како сакаме да изгледаме на теренот и треба да веруваме во квалитетот. Со максимален фокус, посветеност и тимски дух, верувам дека можеме да одговориме на предизвикот”, изјави Седлоски.

Новата сезона во Лигата на нации ќе стартува на 24 септември и ќе трае до 17 ноември, кога ќе се одиграат последните натпревари од групната фаза.

Maкедонија ги дозна противниците во Лигата на Нации – фудбалерите ги чека тешка задача

ФОТО | Сите групи во Лигата на Нации: Србија против Германија и Холандија, Хрватска со Англија и Шпанија