Денеска во Брисел беа извлечени групите за новата сезона во Лигата на Нации во која Македонија за првпат од формирањето на ова натпреварување ќе игра во Лига „Б“ што е напредок во однос на претходната сезона во која се натпреварувавме еден ранг подоле.

Ждрепката ја дочекавме од четвртиот шешир каде што беа уште селекциите на: Шведска, Северна Ирска и Косово, тоа значеше дека со овие три репрезентации не можеме да играме во групата. Топчињата сакаа Македонија да добие тешка група со селекциите на: Шкотска, Швајцарија и Словенија

Новата сезона во Лигата на нации ќе стартува на 24 септември и ќе трае до 17 ноември, кога ќе се одиграат последните натпревари од групната фаза. Во септември, октомври и ноември се предвидени по две кола месечно. Четвртфиналните пресметки и плејофот ќе се играат од 25 до 30 март 2027 година, завршниот турнир во А-лигата е закажан од 9 до 13 јуни 2027, додека баражот за Европското првенство ќе се одржи од 23 до 28 март 2028 година.

ФОТО | Сите групи во Лигата на Нации: Србија против Германија и Холандија, Хрватска со Англија и Шпанија