Се урна бугарски МиГ-29, судбината на пилотот сè уште не е позната
Бугарскиот Миг-29 се урна за време на вежба над Црното Море, потврди бугарскиот министер за одбрана Георги Панајотов. Вежбата „Шабла 2021“, во која учествуваат и српски авиони е прекината. Остатоците од авионот се наоѓаат на длабочина од околу 70 метри. Судбината на пилотот сè уште не е позната.
Заедничката вежба на српските и бугарските воздушни сили „Шабла 2021“ беше прекината бидејќи бугарскиот МиГ-29 синоќа падна во Црното Море од засега непознати причини.
Бугарскиот министер рече дека се наоѓа зоната каде се урна авионот и дека очекува наскоро да се најде. Панајотов прецизираше дека ова е област која ја пребаруваат воени бродови и хеликоптери.
По неколкучасовно пребарување, бугарската морнарица пронајде остатоци и други предмети за кои со понатамошна истрага ќе се утврди дали потекнуваат од „МиГ-29“.
Исто така, судбината на пилотот, мајор Валентин Терзиев, сè уште не е позната.