Се редат скандали во Италија, за обложување обвинети и двајца репрезентативци
По допинг аферата со Пол Погба и скандалот со обложување со Николо Фаџоли, медиумите на Апенините пишуваат за уште еден скандал и повторно со обложување.
Имено, италијанските репрезентативци кои играат во Премиер лигата Сандро Тонали и Николо Заниоло се обвинети исто така за обложување.
#Corona: ‘Non solo #Fagioli, scommettono anche #Zaniolo e #Tonali‘. Tutti i dettagli e le posizioni https://t.co/s2K9ZL8DLf
— calciomercato.com (@cmdotcom) October 12, 2023
Според информациите на италијанскиот новинар, Фабрицио Корона, Тонали и Заниоло се обложувале на натпревари на нивните поранешни тимови. Во текот на следната недела би требало да бидат презентирани докази против двајцата фудбалери.
Ќе потсетиме, денес медиумите во Италија објавија дека Фаџоли ја признал вината за обложување, но потенцирал дека никогаш не биле вклучени тимови со кои бил поврзан.
Нов скандал во Јувентус, фудбалер се соочува со тригодишна забрана поради обложување?!