Во третото тримесечје (јули-септември) од 2025 година во автобускиот патен превоз вкупно се превезени 8,832 милиони патници, што еза 6,4 проценти помалку во споредба со истиот период лани, објави Државниот завод за статистика.

Бројот на превезените патници во градскиот автобуски превоз е намален за 4,6 отсто, во приградскиот падот изнесува 7,8%, во меѓуградскиот – 8,6%, а во меѓународниот превоз за дури 12,5 отсто.

Вкупниот број на поминатите патнички километри, пак, е 292,038 милиони и е намален за 1,8 проценти во однос на истиот период од претходната година. При тоа, во градскиот превоз е зголемен за 24,2 отсто, додека во приградскиот превоз е намален за 1,3 проценти, во меѓуградскиот превоз за 4,5, а во меѓународниот превоз намалувањето изнесува 2,8 проценти.