Се обработуваат приговорите на граѓаните за платежните картички, резултатите ќе бидат објавени јавно
На прашањето како ако некој сака, може да ги донира средствата, вицепремиерката Царовска потсети дека картичките се персонализирани и единствениот начин е тие да се вратат назад.
Министерството за финансии и Генералниот секретаријат ги обработуваат приговорите на граѓаните за платежните картички и штом ќе имаат сумарни податоци, ќе излезат и ќе ја известат јавноста, соопшти денеска вицепремиерката за економски прашања, Мила Царовска.
Таа уште еднаш нагласи дека е важно институциите што ја спроведуваат ревизијата и примањето на приговорите, да ја известуваат јавноста за целиот процес.
На прашањето како ако некој сака, може да ги донира средствата, вицепремиерката потсети дека картичките се персонализирани и единствениот начин е тие да се вратат назад.
Во врска со финансиските средства кон реалниот сектор, вицепремиерката потсети дека Владата досега донесе три сета економски мерки – првите два за намалување на ударот од социоекономската криза, а третиот развоен. Доколку се увиди дека компаниите имаат одредени барања кои ќе значат раздвижување и развој на економијата, ќе се размислува во тој правец.