Градоначалничката на Кисела Вода, Бети Стаменкоска – Трајкоска информираше дека денеска започна реновирањето на улицата „Речиште“ во Драчево, заедно со нејзините споредни краци.

– Започнуваме со темелна промена и модернизација на ликот на улицата „Речиште” во Драчево. Со овој голем чекор, сите краци и главната улица целосно се обновуваат и модернизираат, со што конечно создаваме инфраструктура каква што доликува за квалитетно секојдневие на сите наши сограѓано- изјави градоначалничката Стаменкоска – Трајкоска.

Целиот проект ќе опфати површина од 3,4 километри, а од Општината велат дека градежните работи на терен ќе се одвиваат фазно. Најпрвин ќе се започне со уредување и асфалтирање на споредните краци, по што ќе се премине на финална реконструкција на главната улица.