Град Скопје го реконструира натпатникот на булеварот Александар Македонски за првпат откако е изграден. Со ова, како што велат од Градот, е реализирано барањето на граѓаните кои секојдневно го користат овој пешачки мост, во чија близина се наоѓаат основно училиште и други објекти, за обезбедување услови за побезбедно движење.

Градот во соработка со ЈП „Улици и патишта“ од почетокот на годината започна со проект за санација на 36 мостови, надвозници и пешачки натпатници кои се во негова надлежност.

Дел од мостовите и натпатниците како повеќедецениски предизвик и покрај потребата не се санирани, а неопходни се реконструкции на коловози, тротоари и огради, со што значително ќе се придонесе за зголемување на безбедноста. Со системско следење на надлежностите ќе се постигнат позитивни резултати, затоа што за овие инфраструктурни објекти неопходен е континуиран мониторинг со цел навремено санирање и редовно одржување, велат од Град Скопје.