Граѓаните Али Ибрахими и Зоран Димишков се избрани за судии-поротници во Апелација Скопје, одлучи Судскиот совет на последната седница во врска со огласот на овој суд со кој се бараа 48 судии-поротници.

Во Судскиот совет истакнаа дека на огласот се пријавиле тројца кандидати, но било утврдено дека двајца се брачни сопруѓници, па едниот сопружник ја повлекол кандидатурата.

Инаку, скопска Апелација моментно работи само со четворица судии-поротници.

Според систематизацијата на Судскиот совет во сите судови се потребни вкупно 1.143 поротници, а пополнето е 551 место.

Причина за слабата заинтересираност е нискиот хонорар што го утврди Министерството за правда. Судијата-поротник е рамноправен во одлучувањето со професионален судија и има иста одговорност, но надоместокот што им се дава изнесува 600 денари дневно за денот кога имал судење во апелациските судови, 500 денари во основните судови со проширена надлежност и 300 денари во основните судови со основна надлежност.

Судат барабар и делат одговорност, ама судијата зема најмалку 1.500 евра плата, а поротникот ниту 200