Скоро шест години е дел од нашите младински селекции. Период во кој се промовираше како еден од носителите на играта на генерацијата на македонски кошаркари родени 2002 година.

Оваа година се најде и на оној поширок список на селекторот на „А-селекцијата“, Александар Тодоров. Иако не настапи за сениорскиот тим, тоа е сепак мотив повеќе за Лука Савиќевиќ (од Шпанската Кошаркарска Академија) да продолжи во еден ист ритам, кој и го донесе во една таква позиција – да биде многу блиску и до сениорскиот национален тим. Макар што во меѓувреме треба да го одработи и оној јуниорски, па и младински стаж во репрезентативните селекции.

Веројатно во еден друг тим од мадридскиот, каде ги помина последните две и пол сезони, уште еднаш во кариерата играјќи со генерација или две постари кошаркари. Но, тоа не му пречи да го покаже сиот свој потенцијал, квалитет…

– Штета што сезоната се прекина поради вирусот. Имавме одлична позиција на табелата и бевме спремни за плеј-офот и „финалните 4“ на ниво на Мадрид. Јас одиграв одлично, што може да се види од статистиките, имав и голема доверба од тренерите, потврда за тоа е и мојата минутажа.

Договорот ми заврши и после две и пол години во академијата, време е за нова средина и поголеми предизвици. Имам повеќе понуди за кои ќе одлучам во наредниот период. До почетокот на новата сезона, има доволно време – рече Савиќевиќ.

Целото интервју на Савиќевиќ можете да го прочитате на официјалниот сајт на нашата кошаркарска федерација ТУКА