Уште еден одличен натпревар за македонскиот репрезентативец во „Ла Лига“ за екипата на Леванте. Енис Барди успеа да запише два голови во гостинската победа на неговиот клуб против Селта Виго (2:3).

Нашиот интернационалец во јубијелниот 100 настап за составот од Валенсија дојде до седум голови досега во првенството во 30 одиграни натпревари сезонава.

До крајот на шампионатот Леванте кој го обезбеди опстанокот има уште еден меч на домашен терен за два дена против Хетафе и можност да го подобри учинокот на погодоци.

После најновите перформанси, Барди се најде во тимот на колото во изборот на „Whoscored“ со оценка 8.6

Повисока оценка има единствено Лионел Меси (Барселона), 9.3. Во тимот на колото се наоѓаат: Родригез (Еибар, 8.3), Диаз (Гранада, 8.6), Бигас (Еибар, 8.1), Бустинза (Леганес, 8.0), Еступињан (Осасуна, 7.4), Меси (Барселона, 9.3), Модриќ (Реал Мадрид, 8.1), Кондогбиа (Валенсија, 7.8), Барди (Леванте, 8.6), Мајорал (Леванте, 7.7), Бензема (Реал Мадрид, 8.0).

Уште еден доказ зошто Арсенал го сака Барди (ВИДЕО)