Само 3 состојки: Рецепт за превкусен пилешки ролат
Можете да подготвите вкусен ручек или вечера со само три состојки. Овој рецепт за вкусен ролат од пилешки гради го докажува тоа.
За да му дадете доволно вкус на месото, употребете мал трик – покријте го со веќе купениот сос. Ви стојат на располагање различни видови сосови, а ние ви предлагаме да купите pesto alla genovese , кое има многу интензивен вкус и се базира на миризлив босилек.
Комбинирајте го месото со малку кашкавал по желба – можете да користите било што од блага моцарела до робустен чедар.
Состојки:
• 4 пилешки гради без коски и кожа
• 220 г песто од босилек
• 4 дебели парчиња кашкавал
Подготовка:
1. Загрејте ја рерната на 180 степени Целзиусови.
2. Исчукајте ги пилешките прсти без коски со чекан за месо за да се израмнат.
3. Додадете четвртина од пестото на средината на месото, ставете парче сирење врз сосот и сè заедно завиткајте во ролат. Зацврстете ги краевите на пилешкото со чепкалки за заби.
4. Повторете ја постапката додека не ги потрошите сите состојки.
5. Подготвените ролати ставете ги на плех покриен со хартија за печење.
6. Ставете во загреана рерна и печете околу 40 минути додека пилешкото да добие убава златно-кафеава боја и термички да се обработи до крај.
7. Пилешкиот ролат исечете го на кришки дебели околу два сантиметри и послужете го со прилог по ваш избор. Добар апетит!