Moхамед Салах против Њукасл во рамките од 14. коло во Премиер лигата вчера одигра уште еден одличен натпревар (3:3) во кој постигна два гола и запиша асистенција.

Египќанецот со двата погодоци и асистенцијата влезе во историјата на Премиер лигата како фудбалер со најмногу натпревари на кои постигна гол и запишал асистенција.

Салах се до натпреварот го делеше првото место со Вејн Руни со по 36 натпревари со таков учинок, а сега со еден натпревар повеќе е осамен на врвот.

Инаку, во овој период Салах е во центарот на вниманието поради неговиот договор кој истекува на крајот на актуелната сезона и засега нема најави дека ќе биде продолжен.

Од неговото доаѓање во Ливерпул, египетскиот напаѓач на 370 натпревари, постигна 226 гола и подели 101 асистенција.