Аргентинскиот фудбалер Дибала од финансиски аспект го „кочи“ трансферот“ од Јувентус во Манчестер јунајтед, а Интер тоа ќе се обиде да го искористи.

Барањата на играчот се проблем во договорот меѓу Јуве и Јунајтед за трансфер во кој во спротивен правец би тргнал напаѓачот на „црвените ѓаволи“, Ромелу Лукаку.

Inter su Dybala: clamorosa risposta alla Juve – Corriere dello Sport https://t.co/ztOqwPRpsU

— zocialwar (@franbellino) August 1, 2019

„Сан“ тврди дека Дибала бара повисока плата од онаа која ја има Пол Погба на „Олд Трафорд“, а „Скај Спорт“ информира дека целта му е да заработува двојно повеќе од моменталните 7,5 милиони евра, вклучувајќи бонуси.

Воедно „Кориере дело Спорт“ на својата насловна страница објави дека Интер има намера да ја искористи ваквата ситуација и го ангажира Дибала. Тоа не е ништо ново, токму актуелниот директор на клубот од „Џузепе Меаца“, Бепе Марота го доведе во Јувентус од Палермо додека работеше за тимот од Торино.

Интер смета дека понудата на Јувентус за Лукаку е директна „навреда“, бидејќи тренерот на миланскиот клуб Антонио Конте одамна говореше дека Белгиецот е прв на листата засилувања. Претходно се шпекулираше дека и Тотенхем е во трката за потписот на Аргентинецот.