Соединетите Американски Држави го продолжија по четврти пат рокот за компаниите да преговараат со рускиот „Лукоил“ за купување на неговите странски средства откако Вашингтон воведе санкции врз енергетската компанија минатата година. Канцеларијата за контрола на странски средства на САД овој пат го продолжи рокот за еден месец, до 1 мај, за компаниите заинтересирани за купување странски средства во вредност од околу 22 милијарди долари, објавува Ројтерс.

Меѓу заинтересираните страни за имотот се американската фирма за приватен капитал „Карлајл“, американскиот нафтен гигант „Ексон Мобил“ и „Шеврон Корпорејшн“, „Меѓународната холдинг компанија“ на конгломератот од Абу Даби и австрискиот инвеститор Бернд Бергмаир, поранешен мнозински сопственик на група за забава за возрасни, во која е вклучена и веб-страницата „Порнхаб“- објави Еуроњуз.

Листата за купување на Лукоил се проширува, меѓу заинтересираните купувачи и американски компании

Секакви специфични договори склучени со „Лукоил“ во врска со средствата ќе бараат одобрение од OFAC. Во октомври, Вашингтон воведе санкции врз „Лукоил“, вториот најголем производител на нафта во Русија, и „Роснефт“. Администрацијата на американскиот претседател Доналд Трамп ја забави продажбата на меѓународните средства на „Лукоил“ за да изврши притисок врз Русија во мировните преговори за Украина, изјавија четири извори за „Ројтерс“ во февруари.