Русковска: Одбраната не успеа да докаже дека Василевски не бил во седиштето на ВМРО-ДПМНЕ

Сметам дека одбраната не успеа во намерата да докаже дека Александар Василевски Нинџа не бил во седиштето на политичката партија, изјави обвинителката Вилма Русковска, по денешното судење за организаторите на настаните во Собранието од 27 април.

Вештото лице кое го ангажирале, посочи Русковска, требаше да ги земе оригиналните цедиња од мобилните оператори и врз база на тоа да извеши вештачење, а не да вештачи врз основа на скенирани докази на обвинителството.

– Ако се погледат листинзите од движењето на Александар Василевски Нинџа на тој ден ќе се види дека едниот телефон бил исклучен некаде после 16 часот, а вклучен после 22 часот. Другиот телефон пак е исклулен неладе после 18 часот и тој е вклучен некаде после 22 часот. Тоа е според листинзите кои обвинителството ги прибави од мобилните оператори, изјави Русковска.

Сведочење во судскиот процес за „27 април”: Нинџа цел ден бил низ центар, Мицкоски најавен како сведок на 25 декември

Може во детали не беа презентирани комплетно листинзите, нагласи Русковска, но тие како доказ стојат во предметот и судот ги има на увид.

– Оргигиналните цедиња кои на обвинителството му се доставени од мобилните оператори и врз база на тоа е направена нашата анализа. Вештото лице кое го ангажираше одбраната требаше истото да го направи. Да ги земе оригиналните цедиња од мобилните оператори, кои се дадени во предметот и се наоѓаат во Судот и врз база на тоа да изврши вештачење, а не да вештачи врз основа на скенирани докази на обвинителството, изјави Русковска.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот