Руските клубови во кампања за борба против корона, бесплатни вакцини за навивачите на Зенит
Пандемијата на коронавирусот ги истера навивачите од спортските борилишта, но една од земјите каде е дозволено навивачи на трибините е руското фудбалско првенство.
Сега руските екипи започнаа кампања со која сакаат да ги вакцинираат навивачите и да им овозможат безбедно да уживаат во натпреварите.
Supporters attending our next and all future home matches this season will be able to get their #SputnikV COVID-19 vaccination at the Gazprom Arena
? https://t.co/GUVKhhzdQ6 pic.twitter.com/QdgzUMjPYw
— FC Zenit in English✨ (@fczenit_en) March 11, 2021
Прв тим кој ја започна кампањата е актуелниот шампион Зенит, кој од наредниот натпревар со Акмат од Грозни, на сите заинтересирани навивачи им нуди бесплатна вакцина Спутник V на својата „Газпром“ Арена.
Процедурата за вакцинирање е едноставна, на навивачите им е потребна само здравствена книшка и пасош или лична карта по што ќе следи лекарски преглед и вакцинација, а целиот процес ќе биде завршен за само 15 минути.
Предвидено е вакцинацијата да започне два часа пред почетокот на секој натпревар, а челниците на Зенит се надеваат дека со овој начин ќе успеат да натераат што повеќе навивачи да се вакцинираат.