Најголемиот руски производител на автомобили „АвтоВАЗ“ најави дека ќе продолжат проблемите со испораката на автомобили во одредени бои, а најновиот модел кој е во неволја е Лада Гранта.

Имено, компанијата АвтоаВАЗ претходно нагласи дека моделите на овој автомобил кои беа завршени на почетокот на 2023 година ќе бидат достапни само во црна или бела боја. Сепак, оттогаш ситуацијата се влоши.

„Компанијата објави дека најпопуларната Лада Гранта во Русија сега е достапна само во бела боја. АвтоВАЗ соопшти дека не може да предвиди кога моделите на овој автомобил повторно ќе бидат достапни во други бои“, пишува рускиот Карсвик.

Тешкотиите со автомобилските бои настанаа како резултат на меѓународните санкции против Русија, бидејќи повеќето од овие производи всушност беа увезени. Оттогаш, компаниите од руската автомобилска индустрија се принудени да се префрлат на бои од домашно производство, но поради тешкотиите во производствениот капацитет, овој проект се уште не е целосно реализиран, објави Кликс.ба.