Русија изврши напад со беспилотни летала во градот Харков, втор по големина во Украина, каде што беше погоден комерцијален објект, фабрика при што загинаа две лица, а пет лица се ранети и се во критична состојба. Уште двајца ранети се однесени во болница, пренесува Укринформ.

„За жал, има првични информации за два смртни случаи“, напиша градоначалникот Ихор Терехов во апликацијата за пораки Телеграм.

Гувернерот на регионот Харков, Олех Синјухубов, изјави дека според првичните информации, сите повредени се во сериозна состојба и добиваат потребна помош.

Тој додаде дека нападот предизвикал пожар во околината.

Харков, кој се наоѓа на 30 километри од руската граница, го издржа првиот бран напредување на руските сили по инвазијата во февруари 2022 година и оттогаш е честа цел на руските воздушни напади.