Романското Министерство за одбрана објави дека остатоци од руски воен дрон, паднале на територијата на Романија, откако врз леталото претходно дејствувала украинската противвоздушна одбрана.

Како што соопшти романското Министерство за одбрана, во инцидентот нема повредени лица ниту е причинета материјална штета, објави Њузвик.

Дронот ноќеска во 00:44 часот навлегол во романскиот воздушен простор и паднал на околу четири километри од граничната линија, во близина на населбата Паркеш во округот Тулча.

Претходно два романски борбени авиони „Ф-16“  биле подигнати од воздухопловната база Борча за да ја надгледуват ситуацијата, откако бил регистриран руски бран напади со дронови врз цивилни цели и инфраструктура во Украина во близина на речната граница со Романија.