Руската крстосувачка ракета „Буревестник“ претставува пресврт во светот на вооружувањето и фундаментално ги нарушува стратешките планови на НАТО, оценува израелскиот воен и геополитички експерт роден во Москва Јаков Кедми во интервју за странските медиуми, пренесува Правда.рс. Според него, ракетата веќе е оперативна и значително ги надминува можностите на западните системи за одбрана.

Кедми нагласува дека „Буревестник“ веќе го поминал најважниот дел од тестирањата, вклучително и летни и технички проверки, а потврден е и неговиот нуклеарен мотор. Укажува дека единствениот елемент што досега не е тестиран е нуклеарната боева глава.

„Западот сè уште нема оружје со кое би можел да се спореди Буревестник, ни концептуално. Развојот на таков систем би траел помеѓу пет и десет години, без гаранција дека би го достигнал рускиот модел“, посочува Кедми.

Експертот ја објаснува предноста на ракетата преку нејзините клучни карактеристики. Описот ги вклучува нејзиниот ултранизок лет, непредвидливата траекторија и нуклеарниот погон што ѝ овозможува неограничено време во воздух. Според него, „кружењето над океаните на илјадници километри од САД би било практично невозможна цел за американската одбрана“.

Наведува дека современите борбени авиони, како Ф-35 или Ф-15, не можат да ја пресретнат поради ограничениот дострел и поради тоа што ракетата може да прави заобиколувања од илјадници километри.

Осврнувајќи се на американскиот проект „Златна купола“, Кедми смета дека тој нема да понуди реално решение. Програмата би чинела најмалку еден трилион долари и би барала период од десет до петнаесет години за целосно спроведување. Тој предупредува дека дотогаш руската ракета би можела дополнително да ја унапреди вештачката интелигенција и да ја зголеми својата ефикасност. „

Во наредната декада Буревестник останува врвно оружје без противотров“, заклучува експертот.

Во анализата за можноста од директен судир меѓу НАТО и Русија, Кедми изјавува дека Алијансата нема реални шанси во директна конфронтација. Истакнува дека Русија располага со огромен нуклеарен и конвенционален арсенал, што го вклучува и оружјето „Орешник“ и „Циркон“.

Според него, воена ескалација врз основа на нуклеарно оружје би значела „самоубиствен чекор“ за Западот. Сепак, предупредува на непредвидливоста на западните политички елити и нивната тенденција за импулсивни одлуки, што во минатото довело до кризи како Првата светска војна или конфликтот во Украина.

Интервјуто кое го пренесуваат српските медиуми се открива и мрачен и песимистички поглед на глобалните односи, при што Кедми предупредува дека светот влегува во период на нестабилност, технолошки трки и можни погрешни геополитички пресметки