Дрон влезе во романскиот воздушен простор, соборен е од „Ф-16“
Романски борбен авион „Ф-16“ собори дрон кој влегол во воздушниот простор на земјата, изјави романскиот претседател Никусор Дан, што е најновото нарушување на воздушниот простор на членка на НАТО, јави Ројтерс.
Препорачано
-
1
-
2
-
3
„Утрово околу 11 часот, романски пилот во авион Ф-16 собори дрон кој влегол во воздушниот простор на нашата земја“, напиша Дан на платформата за социјални медиуми Икс.
Областа беше ненаселена, па пилотот можеше да го собори без никаков ризик. Тимови од надлежните институции моментално го пребаруваат подрачјето за да ги утврдат сите детали за инцидентот, додаде тој.
Претседателот не го прецизираше потеклото на дронот.
O dronă a fost doborâtă în spațiul aerian al României de un pilot F-16, deasupra județului Buzău. Primele imagini din zona unde a fost doborâtă. https://t.co/r9feMQVyxN pic.twitter.com/50hfPbXDmI
— TVR Info (@StirileTVR) July 24, 2026
Романското Министерство за одбрана соопшти дека леталото е соборено во близина на Падина во источниот регион Бузау.
Воздушниот простор на Романија, членка на НАТО и Европската Унија, која дели копнена граница од 650 километри со Украина, постојано е нарушен од руски беспилотни летала откако Москва почна да напаѓа украински пристаништа како дел од својата инвазија започната во 2022 година.
Еден дрон се урна во станбена зграда кон крајот на мај, при што беа повредени две лица, првпат густо населена област на земја членка на НАТО да биде погодена и да бидат предизвикани повреди за време на војната на Русија во Украина.
