Висок руски дипломат изјави дека преговорите за безбедносните гаранции за Русија не можат да започнат додека „инструкторите и платениците“ на НАТО се во Украина, односно додека Западот продолжува да испраќа оружје во Украина.

Александар Дарчиев, еден од шефовите на руското Министерство за надворешни работи задолжен за Северна Америка, рече дека „преговорите ќе бидат предвремени додека не престане испраќањето оружје и финансирањето на режимот Зеленски и додека американските и НАТО платениците и инструкторите не се повлечат од Украина“.

Русија, да потсетиме, ги нарекува странските доброволци кои се борат во редовите на украинската армија „платеници“ и досега осуди голем број заробени странски борци.