Белорусин обвинет од руската безбедносна служба ФСБ за разнесување на два воза во Сибир по наредба на украинските разузнавачки служби, беше осуден од воен суд вчера на 22 години затвор.

Сергеј Јеремeев беше прогласен за виновен за извршување терористички акт и поставување експлозиви во два товарни воза во 2023 година, од кои едниот минувал низ најголемиот конвенционален железнички тунел во Русија во тоа време, според соопштението на Генералниот обвинител.

ФСБ објави по неговото апсење дека Јеремеев ја признал својата вина, забележува Ројтерс.

Одговорноста за двата напади во рускиот регион Бурјатија, кој граничи со Монголија и е оддалечен илјадници километри од Украина, потоа ја презеде Безбедносната служба на Украина (СБУ), која соопшти дека сака да ги прекине железничките линии во Сибир, кои, според неа, Русија ги користи за воени резерви.

Во првиот напад, на 29 ноември 2023 година, експлозиви беа детонирани во товарен воз што сообраќаше низ тунелот Северомујски, долг 9,5 милји (15,3 км), и железничката пруга Бајкалско-Амур.

Вториот напад, еден ден подоцна, погоди товарен воз додека го преминуваше Чертовскиот мост во истата област, на железничка линија што се користи како резервна линија кога возовите се пренасочуваат од тунелот Северомујски.

Нападите предизвикаа штета од 102 милиони рубли (1,2 милиони американски долари) и го нарушија железничкиот сообраќај, според генералниот обвинител.