Од први август Русија ќе ги обнови некои од линиите на меѓународните летови, изјави потпретседателката на руската влада Татиана Голикова, но списокот со дестинации првично ќе биде ограничен на Танзанија, Турција и Велика Британија.

Меѓународните летови во земјата се стопирани од 30.март откако беа воведени рестриктивни мерки за запирање на ширењето на корона вирусот од кој во Русија се заразени над 800.000 лица.

Голикова истакнува дека со оглед на намалувањето на бројот на заразени во земјата летовите ќе се реализираат од аеродромите во Москва, Сант Петербург и Ростов на Дон.

Меѓународните линии се обновуваат со Лондон во Обединетото Кралство, турските градови Истамбул и Анкара и островот Занзибар во Танзанија.

Од 10. август ќе бидат додадену повеќе туристички одредишта во Турција, додава Галикова.