Во септември ќе продолжат квалификациите на Светското првенство, а своето деби на 2 септември во Скопје како селекторот на македонската А репрезентација против Ерменија ќе го има Благоја Милевски.

Три дена подоцна во Рејкјавик нашите најдобри фудбалери ќе му гостуваат на Исланд, а на 8 септември на Денот на независноста на Македонија на Националната арена „Тодор Проески“ ќе ја пречекаме Романија.

Мундијалските квалификации ги започнавме токму против Романците, во Букурешт загубивме со 3:2 иако бевме блиску и до реми.

Потоа, дома славевме убедливо над Лихтенштајн (5:0), а во Дуизбург се случи големо изненадување откако ја совладавме Германија со 1:2.

Моментно во квалификациската група „Ј“ води Ерменија со девет бодови, пред Македонија и Германија по шест, следуваат Романија и Исланд по три, а последен е Лихтенштајн без бодови.

Романците веќе објавија прелиминиранн список од 23 репрезентативци кои конкурираат за септемвриските дуели, секако и оној против Македонија.

Селекторот на Романија, Мирел Радој се одлучи за следните играчи:

Голмани: Флорин Ница (Спарта Прага/Чешка), Јонуц Раду (Интер/ Италија)

Одбрана: Влад Кирикеш (Сасуоло/Италија), Кристи Ганеа (Арис Солун/Грција), Василе Могош (Кротоне/Италија), Јонуц Неделчару (Кротоне/Италија) , Андреј Рациу (Хуеска/Шпанија), Адријан Рус (Фехервар/Унгарија), Алин Тошка (Газиантеп/Турција)

Среден ред: Александру Чикалдау (Галатасарај/Турција), Јанис Хаџи (Глазгов Ренџерс/Шкотска), Денис Ман (Парма/Италија), Разван Марин (Каљари/Италија) , Мариус Марин (Пиза/Италија), Александру Максим (Газиантеп/Турција), Александру Митрица (Ал Ахли/Саудиска Арабија), Драгош Неделку (Фортуна Дизелдорф/ Германија), Дорин Ротариу (Лудогорец/Бугарија), Николае Станчиу (Славија Прага/Чешка)

Напад: Флорин Андоне (Брајтон/Англија), Денис Драгуш (Стандард Лиеж/Белгија), Клаудиу Кешеру (Лудогорец/Бугарија), Георге Пушкаш (Рединг/Англија)