Кралот на земјените терени во третото коло беше подобар од Италијанецот Стефано Траваља со 6:1,6:4,6:0 за 96 минути игра.

Надал фуриозно го започна дуелот со Траваља и ги освои првите осум поени, а потоа по потврди брејкот и за само осум минути игра имаше водство од 3:0. Траваља првиот гем го освои кога намали на 3:1 и тоа беше се што направи во првиот сет.
Во вториот сет отпорот на Италијанецот беше поголем, се држеше со 3:3 по што Надал прави брејк и лесно ја одржа предноста за водство од 2:0 во сетови.
Третиот сет помина во целосна доминација на Шпанецот кој без многу пот си обезбеди пласман во осминафиналето. Нареден противник на Надал ќе биде Американецот Себастијан Корда кој во три сета (6:4,6:3,6:1) го елиминира Шпанецот Мартинез.

Во вистински маратонски меч елиминиран е Станислас Вавринка од домашниот тенисер Уго Гастон. Дуелот траеше речиси 200 минути, а по пет сета борба како победник излезе Гастон кој славеше со 2:6,6:3,6:3,4:6,6:0.