Родители на деца до трето одделение реагираат: Наставниците бараат децата да следат физичка настава, иако имаме избор

Родителите на учениците до трето одделение имаат можност за избор – дали нивното дете да следи настава со физичко присуство или онлајн. Меѓутоа, многу родители бурно реагираат на однесувањето на дел од одделенските наставници, за кои тврдат дека директно или индиректно им вршат притисок, нивните деца да следат само физичка настава.

Почетокот на новата учебна никогаш не бил понеизвесен, а иако е познато дека учениците ќе започнат со настава од 1 октомври, сепак и натаму постојат дилеми за начинот на кој таа ќе биде организирана.

Родителите на учениците до трето одделение имаат можност за избор – дали нивното дете да следи настава со физичко присуство или онлајн. Меѓутоа, многу родители бурно реагираат на однесувањето на дел од одделенските наставници, за кои тврдат дека директно или индиректно им вршат притисок, нивните деца да следат само физичка настава.

Таков е примерот кој го објави „Радио МОФ“, а кој се однесува за родител на второоделенче од Велес, кој добил порака која ја смета за директен притисок врз него да одлучи детето да следи настава со физичко присуство.

„Во прилог ви ја праќам согласноста како и протоколот за работа на училиштето пропишано од Комисијата за заразни болести и МОН. Доколку одберете онлајн настава треба да приложите и документ или медицинска белешка издадена од лекар специјалист дека вашето дете не може да посетува настава со физичко присуство поради хронична болест“, гласи порака која ја добил овој родител.

Досега ниту од МОН, ниту од Комисијата за заразни болести, не беше соопштено дека за да се одбере настава со физичко присуство е потребно да се приложи документ дека детето е хронично болно.

Фото: Слободен печат / Драган Митрески

Ова е само еден од начините на кој според повеќе родители наставниците се обидуваат да издејствуваат настава со физичко присуство за сите ученици до трето одделение.

Прочитајте и...  За 10 минути ќе знаете дали имате ковид-19!

Мајка на ученик од второ одделение од основно училиште во Кисела Вода тврди дека одделенскиот наставник ја убедувал да одбере настава со физичко присуство за своето дете, бидејќи повеќето од другите родители веќе се одлучиле за таа опција.

Дури и моето дете да е единствено за кое ќе се побара онлајн настава, тоа треба да ни се уважи и да се реализира. Цела недела наставникот ме убедува дека моето дете треба да следи физичка настава. Ми зборува за тоа дека за најмалите не постои голем ризик од вирусот и дека е подобро наставата да се одвива во живо. Но, зарем јас не сум таа што треба самата да одлучи за тоа? Зошто ми е дадено правото на избор ако некој ме убедува која одлука треба да ја донесам? Не може наставниците да инсистираат за физичка настава кога ние родителите имаме избор за тоа – вели оваа мајка.

Од Министерството за образование и наука засега не добивме одговор дали кај нив се пријавени ваквите форми на притисок, односно дали навистина наставниците инсистираат на физичка настава. Од МОН чекаме одоговр и за тоа дали се бара и дали е потребна медицинска потврда дека детето е хронично болно и поради таа причина не може да следи настава со физичко присуство.

Прочитајте и...  Албанија има загуби во поморскиот и железничкиот сообраќај

Родителите реагираат и во врска со самите анкети кои училиштата им ги праќаат на родителите, односно се жалат на тоа дека прашањата не се формулирани онака како што треба, но и на премногу органичениот рок да се одговори на овој прашалник.

Фото: Слободен печат / Драган Митрески

„А можевте и утре да не известите за изјавава? И какво е ова известување преку ФБ? Ниту секој има ФБ, ниту е официјален и соодветен медиум. Срамота. Најсоодветно во случајов е да пратите емаил до сите родители или да се јавите на телефон. Ама како што ми кажаа кога претходно бев кај вас вашите вработени, тоа е многу работа за вас!!!“, реагира родител на основец од ОУ „Љубен Лапе“ во Аеродром, откако училиштето на својот официјален профил го објавиле прашалникот за родителите, без притоа поединечно за тоа да се информира секој родител.

Средношколците најавија можен бојкот

И додека родителите на основците се соочуваат со проблеми при изборот на идеален начин на настава на своето дете, средношколците повторно најавија можен бојкот на наставата доколку не се остварат нивните барања.

Тие бараат комбиниран модел на настава, односно да се овозможи и средните училишта да организираат настава со физичко присуство.

МОН и Комисијата за заразни болести дадоа зелено светло за сите средни и основни училишта кои сметаат дека ги исполнуваат условите за организација на настава со физичко присуство да поднесат барање, за кое владина комисија ќе одлучува дали ќе го одбори или не.

Прочитајте и...  Битиќи: Ребалансот на Буџетот ќе биде заокружен до крајот на неделата, ќе се скрати што не може да се реализира

Но, и покрај ова, лидерот на Сојузот на средношколци, Бленди Ходаи, вели дека учениците размислуваат за протест бидејќи не им е исполнето „најважното“ барање.

Средношколците излегоа на протест, бараат враќање во училишните клупи, Фото: Слободен печат/ Драган Митрески

– Се уште размислуваме за бојкот. Треба да донесеме една унифицирана одлука и тоа сигурно ќе го знаеме до наредната недела. Сите барања ни се прифатени, освен најважната: Во училиштата во кои ќе се реализира настава со физичко присуство и каде бројот на ученици во сите или некои паралелки е над 20 ученици и/или не може да се обезбеди физичка дистанца од најмалку 1.5 метри (во училница со стандардна големина), паралелките се делат на две групи. Првата група ја следи наставата со физичко присуство, додека втората група од далечина. Двете групи потребно е да се менуваат, односно ротираат на дневна основа –  вели Ходаи.

Досега вкупно 113 училишта доставиле барања за одржување настава со физичко присуство – 79 од нив се основни,  а  34 се средни училишта. Рокот за поднесување на барањата беше до 10 септември, но се уште нема официјални информации за тоа на кои училишта ќе им бидат одобрени барањата, а на кои не.

Прочитај повеќе

Рускиот историчар Дмитријев осуден на 13 години затвор поради сексуално злоставување на дете

Слободен печат

Нови рестрикции во Германија, на приватни собири до 25 лица

Маријана Митровска

Напаѓачот планирал да ги запали просториите на редакцијата „Шарли ебдо” во Париз, но ја згрешил адресата

Маријана Митровска

СДСМ за изнесените ставови на Мицкоски: Дрско лаже дека биле ветени четири викенди без ДДВ

Слободен печат

Со температура и симптоми на ковид-19, рентген техничар одел на работа, се чекаат тестовите за уште тројца вработени

Слободен печат

Мицкоски: Бараме четири викенди без ДДВ, покачување на пензиите

Маријана Митровска

Остави Коментар

Прочитај повеќе

Порошенко, кој ја предводеше Украина, заразен со коронавирус

Слободен печат

Шеик Наваф е новиот емир на Кувајт

Слободен печат

СИРИЗА бара од Мицотакис веднаш да ги донесе во Парламентот договорите со Северна Македонија

Слободен печат

Путин ќе ја прими руската вакцина против ковид-19

Слободен печат

Уште едно 3-годишно детенце си замина дома, ја победи болеста (ВИДЕО)

Маријана Митровска

Борел: ЕУ не е е комплетна без Западен Балкан

Слободен печат