Денешниот ден, 26 април, во историјата на музиката го одбележаа неколку настани за кои подетално ќе можете да прочитате во продолжение…

1938 година – Роден е Дуан Еди, американски гитарист популарен во педесеттите и шеесеттите години од минатиот век, а поради своето значење од 1994 година е дел од куќата на рокенрол музиката.

1940 година – Роден е Џорџо Мородер, италијански продуцент и композитор, посебно познат како автор на филмска музика, како и по истражувањата на синтисајзерот, во чие свирење ги изразуваше влијанијата на електронската и техно музиката.

1943 година – Роден е Гери Врајт, пејач и клавијатурист на англискиот прогресивен рок бенд „Spooky tooth“.

1953 година – Роден е Владо Калембер, пејач на поп групата „Сребрена крила“.

1960 година – Роден е Роџер Тејлор, тапанар на англиската рок група „Duran Duran“.

1969 година – Излезе вториот албум на канадскиот пејач и текстописец Леонард Коен,  „Songs from room“, кој донесе два негови големи хитови.

1977 година – Отворено Студиото 54, познатиот клуб во Њујорк, кој долго време беше синоним за танчерска грозница која го зафати целиот свет.

1982 година – Пол Макартни го објави албумот „Tug of war“, што е прво издание по расформирањето на неговата група „Wings“. Албумот содржи дует со Стиви Вондер, „Ebony and ivory“, а песната е објавена како најавен сингл на албумот и се искачи до првите места на топ листите.

1990 година – Рок групата „Мајке“ заврши на својот прв официјален албум „Разум и безумлје“.