Славниот актер Роберт Де Ниро не престанува да изненадува, а овој пат тоа го направи со бизнис потфат кој одекна во светот. Британскиот весник „Телеграф“ на својот инстаграм-профил откри детали за амбициозниот проект на актерот – луксузен ресорт вреден 250 милиони долари кој ќе го гради на Карибите.

Во објава која го прикажува Де Ниро на идилична песочна плажа, „Телеграф“ открива дека актерот ја проширува својата позната империја на ресторани „Нобу“ на островот Барбуда. Новиот ресорт, наречен „The Beach Club Barbuda“, ќе биде сместен на плажата Принцеза Дајана, една од најнедопрените на Карибите. Комплексот ќе вклучува „Nobu Beach Inn“ и приватни вили, чии цени ќе се движат од 12 милиони долари, а отворањето е планирано за почетокот на 2026 година.

 

View this post on Instagram

 

A post shared by The Telegraph (@telegraph)

Де Ниро истакнува дека целта на проектот е да се создадат работни места за локалното население, а воедно да се зачува природната убавина на островот, во која се заљубил на прв поглед.

„Беше едноставно прекрасно“, ја пренесува весникот изјавата на актерот.