РК Бутел го очекува историското деби во европските купови – Слободен печат
РакометСпорт

РК Бутел го очекува историското деби во европските купови

Тренерот на македонскиот ракометен клуб вели дека украинската екипа на Запорожје е многу незгодна.

Тимот на Бутел Скопје го очекува историското деби во европските купови. Избраниците на Кристијан Грчевски ќе се соочат со незгодниот украински вицепрвак ЗТР Запорожје в сабота на домашен терен, а реваншот ќе биде следниот викенд.

– Немаме многу информации за противникот, па не можам да кажам нешто повеќе околу очекувањата од овој двомеч. Ние ќе играме ракомет, играчите ќе се борат за што подобар резултат на првиот натпревар. Сакаме да се претставиме во убаво светло и да одиграме онака како што знаеме, на високо ниво, кое што доликува на екипа како Бутел. Не знам каков резултат би ни бил доволен за пласман понатаму, има и реванш сепак, но украинската екипа е многу незгодна. Како и да е, ние ќе одиме на победа со тимска и борбена игра – изјави Грчевски.

Натпреварот меѓу Бутел Скопје и ЗТР Запорожје, кој е дел од второто квалификациско коло од Купот на ЕХФ ќе се игра в сабота (5 октомври) во СРЦ „Кале“ – Скопје со почеток од 18.30 часот.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close