Ривалдо: Фудбалот е на добар пат да го добие новиот Роналдо
Легендарниот Бразилец верува дека Ерлинг Халанд може да го достигне на неговиот сонародник.
Норвешкото чудо од дете, Ерлинг Халанд и по доаѓањето во Борусија Дортмунд продолжува да ги тероризира противничките голмани и не престануваа да ги воодушевува сите со своите игри. На 12 натпревари во дресот на Борусија постигна дури 13 гола, а претходно ги решеташе мрежите како играч на Салцбург.
Поранешниот играч на Барселона и на бразилската репрезентација, Ривалдо, смета дека Халанд има уште простор да напредува и дека може да ги достигне квалитетите на неговиот славен сонародник, Роналдо.
– Халанд уште сега е одличен фудбалер, има само 19 години и во иднина ќе станува се подобар и ќе биде еден од најдобрите голгетери на светот. Игра без никаков страв и изгледа многу смирено на теренот. Уште сега Халанд е играч од светска класа кој може многу да напредува и нормално е што екипи сакаат да потпишат со него – вели Ривалдо кој досега отиде најдалеку во споредбите.
– Некои луѓе го споредуваат неговиот стил со тој на Луис Назарио да Лима Роналдо и можеби постојат сличности бидејќи Халанс е брз, не се плаши и постигнува многу голови. Мислам дека е прерано да се размислува дека ќе биде негов наследник, но Халанд сигурно оди по тој пат. Роналдо освои две титули на СП и го воодушеви светот со своите потези и дриблинзи па ни треба време да видиме дали Халанд може да го достигне. Но, едно е сигурно, има се што е потребно за да дојде до тоа ниво – додава Ривалдо.