Ристовски би можел да ја продолжи кариерата во Русија!
Јануари се ближи, а со тоа и стартот на зимскиот преоден рок во кој клубовите ќе бараат нови засилувања, а помеѓу нив и екипите од Русија.
Како што информира „time24.news“, Динамо Москва повторно покажува интерес за македонскиот репрезентативец Стефан Ристовски (28).
Десниот бек е стара желба на тимот, столбот во одбраната на нашата А селекција моментно според „Трансфермаркт“ вреди 3,5 милиони евра.
Уште во текот на минатиот преоден рок Русите се обидуваа да постигнат договор со лисабонските „лавови“. Не беше реализиран трансфер, Ристовски остана Спортинг Лисабон, иако веќе не е прв избор кај тренерот Рубен Аморим.
Останува да се види која ќе биде одлуката на Македонецот кој успеа со репрезентацијата да оствари пласман на Европското првенство, а потоа на 17 ноември објави на социјалните мрежу дека е позитивен на ковид-19.
Моментно Динамо Москва во најсилното руско првенство е на петтото место со 27 бодови, пет помалку од водечкиот Зенит.