Рики Џервејс се пошегува за скандалот на Оскарите: Таа има алопеција. Не е многу весело кај нив дома
Британскиот актер Рики Џервејс се пошегува за скандалот што го предизвика Вил Смит на Оскарите. На својот твитер-профил тој објави стара шега за алопеција од неговиот ситком „The Office“.
Вил Смит му удри шлаканица на Крис Рок затоа што се пошегува на сметка на неговата сопруга Џејда Пинкет Смит која се бори со алопеција. Додека холивудската елита гласно рангира за или против Смит, британскиот комичар реши во негов стил да се пошегува на целата ситуација.
Така, тој објави извадок од култната серија „The Office“ каде го глумеше несмасниот менаџер Дејвид Брент.
„Особено за неговата сопруга. Таа има алопеција. Така што… Не е многу весело кај нив дома“, во краткото видео Дејвид им кажува на групата вработени.
“And she’s got alopecia. So… not a happy homelife.” pic.twitter.com/b1NYWWIncX
— David Brent Music (@DavidBrentMovie) March 28, 2022
Исечокот беше емитуван како дел од втората епизода од втората сезона на хит серијата, во која Брент ги убедува вработените да се опијанат за време на паузата за ручек.
„Добредојдовте во групата анонимни алкохоличари! Не, чисто за друштво. Познавам некој што е алкохоличар и не е смешно, особено за неговата сопруга. Таа има алопеција. Значи… Не е многу весело кај нив дома“, вели Брент во целата сцена.
I’d start with “Hello. I hope this show helps cheer up the ordinary people watching at home. If you’re unemployed for example, take some comfort in the fact that even if you had a job, your salary probably wouldn’t be as much as the goody bag all the actors have just been given.”
— Ricky Gervais (@rickygervais) March 27, 2022
Иако Рики не додаде никаков контекст на снимката, јасно е зошто ја објави токму сега. Тој претходно најави што би рекол доколку ги водел Оскарите.
„Би започнал со „Здраво. Се надевам дека ова шоу ќе ги развесели обичните луѓе кои гледаат од дома. Ако на пример сте невработени, тешете се со фактот дека дури и да имате работа, вашата годишна плата веројатно нема да биде колку вредноста на торбите со подароци што ги добија актерите“, напиша комичарот. „Горд сум што можам да објавам дека ова е најразновидното и најпрогресивно доделување на Оскарите досега. Гледам луѓе од сите сфери на општеството. Секоја демографска група што постои под сонцето. Освен сиромашните, очигледно. Кој ги врти“, додаде тој.